Congo vs Eswatini: Alkalin wasan Najeriya ne zai busa – CAF

Hukumar kwallon kafa ta Afirka CAF ta fitar da sunayen Alkalan wasa hudu daga Najeriya da zasu busa wasan Congo da Eswatini da za a yi ranar 12 ga watan Nuwamba a wasannin neman tikitin shiga gasar cin kofin Afirka na shekarar 2021.

Hukumar ta bayyana Joseph Ogabor a matsayin wanda zai busa wasan tare da masu taimaka masa da suka hada da Samuel Pwadutakam da Efosa Igudia da kuma Quadri Adebimpe.

Za dai a gudanar da wasan a birnin Brazaville dake kasar Congo, inda Alim Aboubakar dan kasar Cameroon zai kula da wasan yayin da Waldabet Koissoual dan kasar Chadi zai kula da alkalan wasan.