Corona: mutane sama da dubu 1 sun kamu da cutar a rana guda – NCDC

Adadin waɗanda suka kamu da cutar Corona a Najeriya jiya Laraba sun kai dubu ɗaya da ɗari ɗaya da arba’in da tara.

Waɗannan alkaluma sun fito daga cibiyar dakile yaɗuwar cututtuka ta ƙasa NCDC ta fitar a shafin ta na internet, har ma ta ce rabon da aga adadi mafi yawa tun a watan Fabrairun 2020.

Wannan ne ya kawo a adadin mutanen da suka kamu da cutar a kasar nan ya kai dubu ɗari da tamanin da hudu, da ɗari biyar da casa’in da uku.

NCDC ta ce, yawaitar ƙaruwar masu cutar na da alaka da ɓarkewar corona samfurin Delta, wadda ta ke da saurin yaɗuwa a tsakanin al’umma, musamman a jihohin Lagos da Rivers da suke da mafi yawan masu ɗauke da cutar.