Covid-19: Gwamnatin Jigawa ta fara rabawa likitocin Corona N10,000 a kullum

Gwamnatin jihar jigawa ta ce tana biyan naira dubu goma ga kowanne likita dake aikin kula da masu dauke da cutar Corona Virus a kowacce rana a matsayin alawus dinsu.

Gwamnan jihar Alhaji Muhammad Badaru Abubakar ne ya tabbatar da hakan yayin da yake ganawa da manema labari a gidan Gwamnatin Jigawa dake Dutse.

Gwamnan ya kara da cewa baya ga wannan suna kokarin shigar da duk wani jami’i tsarin inshorar rai, duba da hadarin dake cikin aikin da sukeyi.

Gwamnan yace sun damu matuka da jami’an dake gudanar da aikin, kana ya yaba musu bisa sadaukarwa da kokarin ceto rayukan masu dauke da cutar.

Labarai masu alaka:

Gwamna Badaru ya dinkawa Almajirai kayan sallah

Covid-19: Za a cigaba da sallah cikin jam’i a Jigawa