Covid-19: Mutane 10 sun kara kamuwa a jihar Legas

Hukumar kula da cututtuka ta kasa NCDC ta ce mutane  goma ne suka sake kamuwa da cutar Covid-19 a jihar Legas.

Hukumar ta bayyana hakan ne a daren talata a shafinta na Twitter, inda ta ce yanzu masu dauke da cutar a jihar Legas sun karu daga 120 zuwa 130.

Haka ma a birnin tarayya Abuja wadanda suka kamu da cutar sun karu zuwa guda 50 sakamakon samun Karin mutum 2 dake dauke da cutar.

LABARAI MASU ALAKA

Covid-19: Mutane 2 sun warke a jihar Legas

Covid-19: An kara samun mutane 6 sun kamu a Najeriya

Covid-19: An tsawaita hutun kotunan kasar nan

Rahotanni sun yi nuni da cewa shugaban kasa Muhammadu Buhari zai sake nazarin rufe birinin tarayya Abuja kafin karshen wannan satin bayan ya yi bibiya ga yadda cutar ta Corona ta shafi al’ummar kasar nan.

Sakataran Gwamnatin tarayya Boss Gida Mustapha ne ya bayyana haka lokacin da yake yi wa manema labarai jawabi akan halin da ake ciki na cutar Corona a jihar Legas.