Da ɗumi-ɗumi: Ƴan ƙwadago sun jingine shiga yajin aiki

Gwamnatin tarayya da ƴan ƙwadago sun cimma yarjejeniya dangane da yunƙurin da ƴan ƙwadagon suka yi na shiga yajin aiki daga yau Litinin.

Ƙaramin ministan ƙwadago na ƙasa Festos Keyamo ne ya sanar da hakan a shafinsa na Twitter inda ya ce, gwamnatin tarayya ta janye ƙarin farashin lantarki har zuwa nan da makonni biyu masu zuwa.

Sakamakon yarjejeniyar da aka cimma, ƙungiyoyin ƙwadagon sun dakatar da shirin su na tsunduma yajin aikin daga yau.

Cikakken bayanin zai zo a nan gaba kaɗan.