Da dumi-dumi Gwamnan jihar Bauchi ya kamu da COVID-19

A dazun nan ne aka tabbatar da cewar, gwamnan jihar Bauchi Sanata Bala Muhammad ya kamu da cutar Coronavirus bayan da  sakamakon gwajin da da aka yi masa ya nuna cewa yana dauke da cutar.

Babban mai taimakawa gwamnan na mussaman kan kafafan yada labarai Mukhtar Gidado ya sanar da hakan ga manema labarai cikin wata sanarwar da ya fitar a dazun nan.

Tun da fari gwamnan ya sanar da cewar ya gaisa da Dan tsohon mataimakin shugaban kasa Alhaji Atiku Abubakar Mohammed Atiku wanda shima ya kamu da cutar ta Coronavirus bayan da aka gwada shi a ranar Lahadin da ya gabata.