Da dumi-dumi: Gwamnatin Kano ta tabbatar da karin mutum 5 dake da cutar Corona

Ma’aikatar lafiya ta jiha ,ta tabbatar da cewar an kara samun mutum biyar da suka kamu da cutar Corona Virus, a Yanzu haka wanda jimilar ta kawo zuwa yanzu mutum Tara ke dauke da cutar a Kano.

Ma’aikatar ta bayyana haka ne ,a shafin ta na Twitter ,in da ta ce zuwa yanzu haka a yau Laraba an samu karin mutum biyar da aka tabbatar sun kamu da cutar.

Jihar Kano, dai na daya daga cikin jihohin da suke fuskantar barazanar yaduwar cutar ,tun bayan da aka samu mutum daya da ya kamu da ita a farkon makon nan, wanda hakan yasa a jiya Gwamnan jiha Abdullahi Umar Ganduje, ya saka dokar hana zirga -zirga a cikin jihar wacce zata fara aiki a gobe Alhamis da karfe 10 na Daren ranar.