Da Dumi-Dumi: Mahaifiyar Guardiola ta rasu sakamakon Covid-19

Kungiyar kwallon kafa ta Manchester City dake kasar Ingila ta sanar da rasuwar mahaifiyar mai horas da ‘yan wasan kungiyar Pep Guardiola sakamakon Cutar Corona.

Dolors Sala Carrio, mai shekaru 82 ta mutu ne a birnin Barcelona dake kasar Spaniya.

Guardiola mai shekaru 49, a kwanakin baya ya dai bada tallafin gudunmawar Yuro miliyan daya kwatankwacin Fam dubu dari tara da ashirin domin a yaki cutar Covid-19.

Tuni dai wasu kungiyoyin kwallon kafa suka fara aikewa da Guardiola da Man City sakon ta’aziyya.