Dalibai sama da miliyan 1 ne suke rubuta NECO a bana

Akalla dalibai miliyan 1 da dubu dari uku ne ke rubuta jarabawar NECO a bana.

Shugaban hukumar Farfesa Ibrahim Wushishi ne ya bayyana hakan ga manema labarai a jihar Adamawa.

Wushishi ya ce, ya je Adamawa ne don sanya ido kan yadda ake gudanar da jarrabawar ta NECO da ke gudana a fadin kasar nan.

“A bara dalibai miliyan 1 da dubu dari 1 ne suka rubuta jarrabawar, a bana kuwa an samu karuwar dalibai sosai wanda hakan yake nuna karbuwar jarrabawar ta NECO a kasar nan.

Wushshi ya ce, a cewar hukumar za ta samar da na’urori a makarantun kasar nan, da za su taimaka wajen gudanar da ayyukan jarrabawar da kuma binciko masu yin satar jarrabawar.