Dalilan da suka sanya gwamnatin Kano daukar alarammomi aikin koyar wa – Ganduje

Gwamnatin Jihar Kano ta amince da daukan alarammomi sittin da za su koyar a makarantu goma sha biyar da gwamnatin ta samar don koyar da almajirai ilimin zamani.

Gwamnan Kano Dakta Abdullahi Umar Ganduje ne ya amince da hakan a jiya Litinin.

Amincewar ta biyo bayan karbar rahoto daga hukumar da ke kula da makarantun Isalamiyya a jihar Kano, karkashin jagorancin kwamishinan Ilimi Malam Muhammad Sunusi Kiru.

Gwamna Ganduje ya ce, gwamnatin sa ta samar da kwamitin da zai magance matsalar hana barace-barace a kan titinan jihar Kano, wanda kuma ta tsara samar da makarantun da za su bai wa almajiran damar hadar Alqur’ani mai da na zamani don kyautata rayuwarsu.

Idan dai za a iya tunawa gwamnatin ta samar da makarantun a kananan hukumomin Bunkure da Madobi da Bagwai da kuma sauran kananan hukumomi goma sha biyu cikin kananan hukumomin Arba’in da hudu na fadin jihar Kano.