Dan wasan Nigeria Victor Osimhen zai iya zama dan wasan Duniya-Luciano Spalletti

Mai horas da kungiyar kwallon kafa ta Napoli dake kasar Italiya Luciano Spalletti, da kyaftindin kungiyar Dries Mertens sun ce dan wasan kungiyar kwallon kafa ta kasa Super Eagles, Victor Osimhen zai iya zama dan wasan Duniya nan gaba.

Mai horas da kungiyar ta Napoli Luciano Spalletti, ya bayyana hakan ne a jiya juma’a 22 ga Oktobar 2021 yayin da manema labarai ke tattaunawa dashi.

Osimhen ya ciwa kungiyar sa ta Napoli kwallaye 9 cikin wasanni 10 da ya buga mata a bana.

Haka kuma Osimhen ya ci wa Napoli kwallo a gasar cin kofin zakarun Turai ta Europa a wasan da suka lallasa Warsaw da ci 3-0 a ranar Alhamis din data gabata.