Dani Alves ya sake komawa Barcelona

Dan wasan bayan kasar Brazil Dani Alves ya sake komawa kungiyar kwallon kafa ta Barcelon a matsayin kyauta.

Hakan na zuwa ne ta cikin wata sanarwa da Kungiyar ta Barcelona ta fitar a ranar Juma’a

Alves wanda a yanzu zai ci gaba da wasa a tsohon filin wasan kungiyar da ya bari na Camp Nou.

Mai shekaru 38 zai fara daukar horo a kungiyar a mako mai zuwa, sai dai bazai fara buga wasa ba har sai watan Janairu mai zuwa.

Dani Alves dai na guda daga cikin manyan ‘yan wasan baya a duniya ya bar tawagar da akewa take da Blaugrana a shekarar 2016.

Kafin daga bisani ya koma PSG kana ya koma Sao Paulo, inda a yanzu kuma yayi kome zuwa filin Camp Nou.

A tsahon shekaru takwas da ya shafe a Barcelona a baya, ya buga wasanni 391 da zura kwallo 23.

Inda kuma ya lashe gasanni akalla 23 a kungiyar.