EDO 2020: An killace ‘yan wasa 10 da suka kamu da Corona

An killace kimanin ‘yan wasa goma da aka samu dauke da cutar Corona yayin da ake tsaka da gudanar da gasar bikin kakar wasanni ta 2020 a jihar Edo.

Yayin tattaunawa da manema labarai babban jami’in kwamitin dakile yaduwar cutar Corona Dakta Andrew Obi, ya ce, an mika bakwai daga cikin masu dauke da cutar zuwa wajen killacewa a asibitin Stella Obasanjo dake jihar ta Edo.

Ya kuma ce, sauran ‘yan wasan uku ba a kaiga mika su asibitin ba amma tuni aka killace su.

Jaridar Punch ta ruwaito cewa, “Za a cigaba da kula da ‘yan wasan da suka kamu da cutar har sai sun warke kafin su dawo cikin mutane kamar yadda Dakta Obi ya bayyana.”