El-Rufa’i- ya haramta shiga ko fita da dabbobi jihar Kaduna

Gwamnatin jihar Kaduna ta haramta shigowa ko fitar da dabbobi daga jihar zuwa wasu jihohin dake kasar nan.

Hakan na cikin wata sanarwa da kwamishinan al’amuran tsaron jihar Samuel Aruwan ya fitar ga manema labarai.

Sanarwar ta ce gwamnatin jihar ta Kaduna ta dauki matakin ne biyo bayan shawarwarin da jami’an tsaro suka bata.

Kazalika sanarwar ta ce matakin ya fara aiki daga jiya Alhamis.

Haka zalika sanarwar ta ce duk wanda aka kama da aikata safarar Jakai zuwa cikin jihar to ya aikata babban Laifi da zai iya kaishi ga kare rayuwar shi a gidan Yari.