ENDSARS: An yiwa EFCC kutse a shafukansu

Wasu da ake zargin batagari ne sun yi kutse a website mallakin hukumar zabe ta kasa INEC da kuma hukumar yaki da cin hanci da rashawa ta EFCC.

Rahotanni sun ce a baya-bayan nan masu kutse ta kafar Internet sun rika yin kutse cikin shafukan hukumomin gwamnati da dama a matsayin wani mataki na goya baya ga masu zanga-zangar neman rushe ‘yan sandan SARS.

Ta cikin wani sakon da daya daga cikin gungun masu kutsen ta Internet ya wallafa a shafinsa na twitter, ya nuna cewa, tuni suka karbe iko na shafukan ukumomin biyu.