#EndSARS : Yadda Dattawan Arewa suka nemi masu bore su dena zanga-zanga

Kungiyar dattawan arewa ta northern elders forum ta shawarci masu gudanar da zanga-zangar rushe ‘yan sandan SARS da su kawo karshen boren da suke yi.

Hakan na cikin wata sanarwa ce mai dauke da sa hannun mai magana da yawun kungiyar Dr Hakeem Baba Ahmed.

Tun a ranar shida ga wannan wata ne matasa suka fantsama kan tituna a kasar nan suna zanga-zangar neman ganin kawo karshen cin zarafin jama’a da ‘yan sandan na SARS ke yi.

A cewar kungiyar dattawan arewa ta northern elders forum din, yanzu wasu sun fake da zanga-zangar don biyan wasu boyayyen bukatunsu.

Haka zalika kungiyar ta NEF ta kuma yi kira ga shugaban kasa Muhammadu Buhari da kuma gwamnonin kasar nan talatin da shida da su saurari masu zanga-zangar don basu tabbacin cewa matsalolin da suke zanga-zanga akai za a kawo karshensa.