Fadar Shugaban Ƙasa ta yi watsi ikirarin Atiku Abubakar

Fadar Shugaban Ƙasar Najeriya, ta yi watsi da ikirarin tsohon mataimakin shugaban ƙasa, Atiku Abubakar, cewa gwamnatin tarayya ta samu ƙarin kuɗaɗen shiga daga man fetur har Naira tiriliyan 7.98, inda ta buƙace shi ya gabatar da hujjojin da suka tabbatar da wannan iƙirari.

Mai bai wa Shugaba Bola Tinubu shawara kan yaɗa labarai da dabaru, Bayo Onanuga, ya ce nazarin tattalin arziƙin da Atiku ya gabatar ya gaza la’akari da muhimman bayanai da ke shafar kuɗaɗen shiga daga ɗanyen mai.

Tun da farko Atiku ya zargi gwamnatin Tinubu da ci gaba da karɓar bashi daga cikin gida duk da abin da ya kira ƙarin kuɗaɗen shiga daga hauhawar farashin ɗanyen mai. Ya ce daga watan Maris zuwa 14 ga Yuli, Najeriya ta samu kusan dala biliyan 5.76, kwatankwacin Naira tiriliyan 7.98, amma duk da haka gwamnati ta ci gaba da tara bashin cikin gida.

Sai dai Onanuga ya ce wannan lissafi ba daidai ba ne