Fitaccen malamin addinin Musulunci a Kano Sheikh Ahmad Bamba ya rasu

*Fitaccen malamin addinin Muslunci a Kano Sheikh Ahmad Bamba ya rasu

Allah ya yi wa babban malamin addinin Musulunci a Kano Sheikh Ahmad Bamba “Ƙala Haddasana” ya rasu.

Malamin ya rasu ne bayan gajeriyar rashin lafiya, a Asibitin koyarwa na Malam Aminu Kano.

Guda daga cikin ƴaƴansa mai suna Rukayya Ahmad ta tabbatar wa da Freedom Radio rasuwarsa.

Ta ce, za a yi jana’izar sa bayan sallar juma’a a masallacin Darul-Hadith.

Fitaccen malamin ya yi fice ne a fagen wajen karatuttukan Hadisi, wanda a baya yake karantarwar a Masallacin BUK, yayin da daga baya ya bude majalisinsa na Darul Hadis.

Muna addu’ar Allah ya jiƙansa.