Fiye da shaguna dubu biyar aka bar su kara zube a kasuwanni – KAROTA

Hukumar kula da zirga-zirgar ababen hawa ta jihar Kano KAROTA, ta kammala dukkanin shirye-shirye don kai samame wuraren da ‘yan kasuwa ke kasa kaya akan titina  ba bisa ka’ida ba, da basu dace ba a cikin birnin Kano da kewaye.

Shugaban hukumar ta KAROTA Alhaji Baffa Dan-Agundi ya bayyana hakan a yayin da ya kai ziyarar aiki wuraren da abun ya shafa a jiya Alhamis.

Baffa Dan-Agundi ya ce akan haka ne hukumar sa ta kafa kwamitin kar takwana don aiwatar da aikin, ya yin da y ace fiye da shaguna dubu biyar ne aka bar su kara zube a cikin kasuwanni daban-daban a nan Kano.

Daga cikin kasuwanni akwai na Sabuwar Tashar da Kwanar Ungoggo da Koafar Ruwa da yankin masana’antu na unguwar Nassarawa da kasuwar Sabon Gari.