Adadin hadurran mota ya ragu da kashi 27 cikin 100 a bukukuwan Babbar Sallah – FRSC

Hukumar Kiyaye afkuwar Haddura ta Kasa  FRSC ta ce adadin hadurran mota ya ragu da kashi 27 cikin 100 a lokacin bukukuwan Babbar Sallah na shekarar 2026 idan aka kwatanta da shekarar 2025.

Mai magana da yawun hukumar, Osondu Ohaeri, ya ce rahoton sintirin musamman na Sallah ya nuna cewa an samu hadurra 142 a bana, sabanin hadurra 191 da aka samu a bara. Haka kuma adadin mutanen da hadurran suka rutsa da su ya ragu daga mutum 1,364 zuwa 1,064.

FRSC ta danganta wannan nasara da karin sintiri a manyan hanyoyi, wayar da kan jama’a, tsaurara doka da kuma gaggawar kai dauki. 

Hukumar ta kuma bukaci masu amfani da hanyoyi su ci gaba da bin dokokin tuki domin rage hadurra a fadin kasar nan.