Ganduje ya aike da sakon ta’aziyyar rashin yar gwagwarmaya Shema’u

Gwamnan Kano Dr Abdullahi Umar Ganduje ya mika sakon ta’aziyarsa game da rasuwar daya daga cikin jajirtattun masu rajin kare ‘yancin masu fama da lalurar amosasnin jini, Shema’u Adam Imam, wanda ta rasu a yau, Asabar.

Kafin rasuwarta dai Malama shema’u Adam Imam daliba ce ‘yar aji hudu a jamiar Bayero da ke nan Kano, kuma mamba a kungiyar amintattu ta masu fama da lalurar amosanin jini.

Gwamnan Ganduje ya ce rasuwar Shema’u Adam Imam babban rashi ne bawai kawai ga m,asu fama da lalurar amosanin jini ba har ma ga al’ummar  jihar Kano baki daya.

A cikin wata sanarwa mai dauke da sa hannun sakataren yada labarai na gwamnan Kano, Abba Anwar, ta ruwaito gwamnan na Kano na mikawa da sakon ta’ziytarsa ga iyaye da ‘yan uwar marigayiyar.