Ganduje ya jajanta wa wadanda iftila’in rusau ya shafa a Kano

Gwamnan Kano Dr Abdullahi Umar Ganduje ya ziyarci Unguwar kofar Mazugal, Lungun mai lalle, don jajantawa wadanda iftila’in rusau ya afkawa a cikin makon nan.
Gwamnan na Kano wanda mataimakinsa Alhaji Nasir Yusuf Gawuna ya wakilta ya ce hakika wannan al’amari abin jajantawa ne.
Mutane goma sha takwas ne dai iftilai’n na rusau ya afkawa inda kuma yara biyu suka rasa rayukansu a Unguwar ta Kofar Mazugal, Lungun mai lalle.
Da yake jawabi yayin ziyarar kwamandan hukumar Hizba ta Jihar Kano Sheikh Harun Ibn Sina, ya buka ci mutanen su dauki wannan lamari tamkar jarrabawa daga ubangiji, tare da addu’a ga mamatan da suka rasu.
Wakiliyarmu Zahra’u Nasir ta rawaito cewa mataimakin gwamnan ya samu rakiyar hukumar bayar da agajin gaggawa ta Jihar Kano, inda kuma aka kai kayan abinci da kudi da kuma kayan gini.