Ganduje ya tabbatar da bullar cutar Corona a Kano

Gwamnan Jihar Kano Dakta Abdullahiu Umar Ganduje ya tabbatar da samun bullar cutar Corona a nan Kano.

Abdullahi Umar Ganduje ya bayyana hakan ne lokacin da yake jawabi ga manema labarai dangane da bullar cutar da yammacin yau a nan Kano.

Ya kuma ce wanda ya kamu da cutar tsohon jakadan kasar nan ne a Kasar waje.

Da Dumi-Dumi: An samu bullar Corona Virus a Kano

Ganduje ya kuma sanar da wasu sabbin tsare-tsaren da ya fito da su a nan Kano don ci gaba da yaki da cutar, wadanda suka hadar da hana direbobin adaidaita sahu daukar fasinja sama da daya a cikin baburansu.

Ya kuma ce za’a ci gaba da tattaunawa da malamai da shugabannin kasuwanni da ma sauran masu ruwa da tsaki don ganin an samu nasarar yaki da cutar a nan Kano.