Gobara ta tashi a hukumar bayar da ilimin bai daya a jihar Ondo

Wata gobara ta kone shelkwatar hukumar bayar da ilimin bai-daya ta Jihar Ondo da ke birnin Akure.

Rahotanni sun bayyana cewa gobarar ta fara ne a cikin daren jiya, kuma har ya zuwa babu masaniya kan dalilin faruwarta.
Gobarar dai ta kone kayayyaki da takardu da dama na hukumar.

A ranar larabar da ta gabata ne wasu fusatattun matasa da ke zanga-zangar bukatar neman rushe ‘yan sandan SARS suka kona sakatariyar jam’iyyun PDP APC da ke birnin Akure.