Gobarar tankar mai ta hallaka mutane 12 – FRSC

Akalla mutane 12 ne suka rasa rayukansu sakamakon wata gobara da ta tashi a motar dakon mai a kauyen Oshigbude da ke yankin karamar hukumar Agatu a jihar Benue.

Rahotanni sun ce lamarin ya faru ne a jiya lahadi, bayan da motar ta fadi a mahadar titin kauyen wanda dalilin haka mai ya kwaranye.

Da ya ke jawabi kan faruwar gobarar, shugaban hukumar dakile abkuwar hadurra ta kasa reshen jihar Benue, Yakubu Muhammed, ya ce, direbar motar ya kasa shawo kan motar ce, lokacin da ya zo juyawa, wanda sanadiyar hakan motar ta fadi.

A cewar sa, cikin wadanda suka mutun sun hada da: maza takwas da mata uku da kuma wani kankanin yaro.