Gwamna Rotimi Akeredolu ya rasu a Jamus

Gwamnan jihar Ondo Rotimi Akeredolu ya rasu a ƙasar Jamus.

Rahotonni sun bayyana cewa, marigayin gwamnan, ya rasu ne ya na da shekara Sittin da Bakwai a duniya.

Rasuwar tasa na zuwa ne bayan da ya shafe tswaon lokaci ya na fama da cutar kansar jini da ta mafitsara.

Ko a makonni biyu da suka gabata sai da Rotimi Akeredolu ya rubuta wasikar tafiya jinya, inda ya miƙa ragamar mulkin jihar ga mataimakinsa, Lucky Aiyedatiwa.