Rikici : Dalilan da suka sanya kungiyar gwamnoni ta wanke Rotimi Akeredolu

Kungiyar gwamnonin Najeriya ta ce ko kadan babu wani wa’adi da gwamnatin jihar Ondo ta dai baIwa Fulani makiyaya kan lalle sai sun fice daga dazukan jihar.

Ta ce kafafen yada labaru ne kawai, suka jirkita kalaman gwamnan jihar Oluwa Rotimi Akeredolu.

Shugaban kungiyar kana kuma gwamnan jihar kiti Dr. Kayode Fayemi, ya bayyana haka a garin akure, bayan ganawa da shuwagabannin kungiyar Fulani ta kasa.

Ya ce koda wasa gwamnan jihar ta Ondo, bai ta ba cewa Fulani su bar masa jiha ba, face bukatar yiwa duk wani makiyayi dake son yin kiwo a dazukan jihar rajistar.