Gwamna Uba Sani ya bayyana damuwa kan yaran da ba sa zuwa makaranta

Gwamnan jihar Kaduna Sanata Uba Sani, ya bayyana damuwarsa dangane da yawaitar yaran da ba sa zuwa makaranta a fadin jihar.

Gwamnan ya bayyana hakan ne yayin wata ganawa da shugaban hukumar ilmi matakin farko ta jihar Kaduna bayan da ya gayyace shi ofishinsa domin tattaunawa game da matsalar rashin zuwan yaran makaranta.

Ta cikin jawabin da sakataren yada labaran gwamnan Muhammad Lawal Shehu, ya fitar, ta ce, gwamna Uba Sani, ya bayyana matukar damuwa bisa yadda adadin yaran da ba sa zuwa makarantar ke kara yawaita a jihar.

Gwamna Uba Sani, ya kuma yi kira ga hukumomin da ke da ruwa da tsaki da su kara zage damtse wajen kawo karshen matsalar.