Gwamnatin Ganduje ta ɗauki masu bukata ta musamman aiki

A yau Laraba ne mutane masu bukata ta musamman su tara za su karbi takardun kama aiki a matakin gwamnatin jihar Kano.

Tun da fari dai, masu bukata ta musamman su 134 ne suka nemi aiki a matakai daban-daban a nan Kano.

Sai dai a zantawar da wakilinmu Mukhtar Iliyasu Dumbulun ya yi da babban mai taimakawa gwamnan jihar Kano kan harkokin mutane masu bukata ta musamman Tasi’u Shehu Garko ya sanar da cewa, yanzu haka mutum tara ne suka hallara a ofishin shugaban ma’aikata domin karbar takardar kama aikin.

Haka kuma, Ya ce, sauran ragowar mutane masu bukata ta musamman din da suka nemi aikin za a tattauna yadda za a ba su takaradun kama aikin a nan gaba.