Gwamnatin Gombe ta yabawa wasu matasa kan COVID-19

Gwamnan jihar Gombe Alhaji Inuwa Yahaya ya yabawa wasu matasa su uku kan yadda suka samar da na’urar samar da iska na gida wanda za’a yi amfani da shi wajen yaki da cutar Corona.

Gwamnan na Gombe ya ce yabawa matasa ya zama wajibi kasancewar sun kirkiru na’urara da zata taimakawa gwamnati wajen yaki da cutar COVID-19.

Alhaji Inuwa Yahaya ya bayyana hakan ne ta cikin sanarwar da maitaimaka masa kan kafafan yada labarai Isma’ila Uba Misilli ya fitar a birnin Gombe.

Ta cikin sanarwar Gwamnan ya yi alkawarin Gwamnatin sa zata taimakawa matasan wajen cimma nasarorin su don ganin mafarikin su ya zama gaske.