Gwamnatin tarayya ta fara rabon kayan alkinta amfanin gona

Gwamnatin tarayya ta fara rabawa manoma kayayyakin alkinta amfanin gona a jihohi tara na kasar nan domin magance barazanar karancin abinci.

Babban sakataren ma’aikatar aikin gona ta kasa Dr Ernest Umakhihe ne ya tabbatar da hakan lokacin da ya ke kaddamar da rabon kayan ga manoma.

Ya ce, bai wa manoman kayayyaki zai basu damar alkinta amfanin gonar su, sakamakon yadda mafi yawa daga cikin manoma ke asarar amfanin gona dalilin rashin kyakyawan wajen ajiya tun daga gona zuwa gida.

Dr Ernest Umakhihe ya kuma tabbatar da cewa, shirin zai taima wajen wadatar abinci a kasa, da kuma farfado da tattalin arziki.