Gwamnatin Tarayya ta sake musanta shirin kara kudin lantarki

Gwamnatin tarayya ta sake tabbatar da cewa ba ta da shirin ƙara kuɗin wutar lantarki a faɗin Najeriya, ta na mai cewa abin da ta fi mayar da hankali a kai shi ne inganta samar da wutar lantarki maimakon ƙara wa ’yan Najeriya kuɗaɗen da suke biya.

Ministan Wutar Lantarki, Joseph Tegbe, ne ya bayyana hakan a jiya Alhamis, yayin bikin fara aikin samar da ƙananan tashoshin wutar lantarki guda biyar a birnin Ibadan, na jihar Oyo.

Ministan ya ce gwamnati na aiki domin tabbatar da samun wutar lantarki dare da rana, inda ya buƙaci ’yan Najeriya su yi watsi da rahotannin da ke cewa ana shirin ƙara kuɗin wutar lantarki.