Hajjin bana: Yan Nijeriya 6 sun rasu a kasa mai tsarki

Hukumar kula da aikin Hajji ta Nijeriya NAHCON ta tabbatar da mutuwar maniyyatan kasar mutane 6 suka je aikin Hajjin bana.

Shugaban tawagar likitocin hukumar ta NAHCON Alhaji Usman Galadima, ne ya sanar da hakan a daren Lahadin nan.

Ya ce, biyu daga cikin wadanda suka rasu sun fito daga jihar Osun, sai mutane daya-daya da suka rasu yan asalin jihohin Filato da Kaduna, sai dai kuma ba a bayyana jihohin sauran mutane biyun suka fito ba.

Haka kuma jami’in ya kuma ce, daya daga cikin maniyyatan ya rasu ne sakamakon bugun zuciya.