Hakuri shi ke inganta zamantakewar aure – Sheik Ali Yunus

Limamin masallacin Juma‘a na Usman bin Affan dake Gadon Kaya Sheik Ali Yunus ya ce, babban abunda ke taka rawa wajan inganta aure shi ne hakuri da juriya, baya ga inganta zamantakewar juna.

Limamin ya bayyana hakan ne ta cikin shirin Barka da Hantsi na nan gidan Rediyo Freedom da ya gudana a yau, yana mai cewa, mafi yawan lokuta abunda da ke janyo lalacewar aure shi ne, rashin kai zuyciya nesa da wasu daga cikin ma’auratan ke yi.

Malamin ya kuma ce, rashin ilimin zamantakewar aure shi ma yana taka rawa wajen lalacewar auren wannan lokacin
Sheik Ali ya kuma ce, kamata ma’aurata su daina zargin junan su, sannan su rubanya kokarin sun a son kyutatawa juna.

Limami ya kuma yi kira ga ma’aurata da su rungumi dabi’ar yin hakuri da juriya don kaucewa bacin rana.