Hisbah za ta tura dakarunta masallatan da ake gudanar da Tuhajjudi

Hukamar Hisbah ta jihar Kano, ta sanar da shirin tura Dakarun kar ta kwana, a wuraren da jama’a ke gudanar da sallar dare, domin samar da tsaro da sa ido don magance dabi’ar kwacen waya da matasa masu yin zance da yan mata, kan yi a lokutun sallar dare.

Babban kwamanda hukumar Hisbah, Dakta. Harun Ibin Sina shine ya baiyana hakan a shalkwatan hukumar da ke unguwar Sharada.

Dakta Harun Ibin Sina ya ce ‘zasu tura dakarun nasu ne domin tabbatar da anayin abinda ya kamata, tare da tsare dokiyoyin al’umma, musamman ma ababen hawan da suka je gudanar da ibadar’.

Rahoton: Abdulkadir Haladu Kiyawa