Hukumar PCACC ta gayyaci Ganduje kan Bidiyon Dala

Hukumar karbar korafi da yaki da cin hanci da rashawa ta jihar Kano PCACC, ta gayyaci tsohon Gwamnan Kano Dakta Abdullahi Umar Ganduje bisa zargin karbar rashawa daga hannun Yan kwangila bidiyon Dala.

Cikin sanarwar da hukumar ta fitar mai dauke da sa hannun jami’in yada labaran ta Kabir Abba Kabir tace ta gayyaci tsohon Gwamnan ne domin amsa wasu tambayoyi dangane da zargin karbar na goro da hannun ‘yan kwangila, a shekarar 2017.

Idan za’a iya tunawa dai jaridar Daily Nigerian ta wallafa labarin faifen bidiyon Dala, Wanda aciki aka hasko tsohon Gwamnan Kano Dakta Abdullahi Umar Ganduje yana karbar wasu kudade daga hannun Yan kwangila, Wanda akayi zargin rashawa ce.