IGD2020: Citad ta nemi gwamnatoci su bai wa haƙƙin mata muhimmanci

A yayin da ake bikin ranar ‘ya’ya mata ta duniya a yau, cibiyar bunkasa fasahar sadarwar zamani CITAD ta bukaci gwamnatocin Najeriya da su kara bai wa dokar hakkin ‘ya’ya mata muhimmanci.

Babbar jami’ar shirye-shirye ta cibiyar Maryam Ado Haruna ce ta bayyana hakan ta cikin sanarwar da ta fitar.
Sanarwar ta ce kamata yayi gwamnatoci su mayar da hankali wajen yaki da cin zarafin ‘ya’ya mata musamman ma ta bangaren yi musu gyade.

Maryam Ado Haruna ta cikin sanarwar ta bukaci da a samar da wani tsari da zai rika samarwa ‘ya’ya mata ayyukan dogaro da kan su da kuma tsame su daga kangin talauci da sauran ayyukan cin zarafi.