Ikon Allah sai kallo: Matar da ta haifi ƴaƴa 10 rigis

Wata mata ƴar ƙasar Afirka ta kudu ta kafa tarihin zama mace ta farko a tarihi da ta haifi ƴaƴa goma rigis.

Matar mai suna Gosiame Thamara Sithole mai shekaru 37 ta goge tairihin da wata mata ƴar kasar Mali mai suna Halima Cisse ta kafa na haihuwar ƴaƴa tara a kasar Morocco a watan jiya na Mayu.

Misis Thamara Sithole dai ta haifi ƴaya goman ne a wani asibiti da ke birnin Pretoria a daren jiya litinin.

Rahotanni sun ce matar ta taɓa haihuwar ƴaƴa tagwaye waɗanda yanzu haka suna da shekaru shida-shida