IMC ta ci tarar Sunshine Stars Naira Miliyan Daya

Sunusi Shuaibu Musa

Kwamitin shirya gasar Firimiyar Najeriya na rikon kwarya ya ci tarar kungiyar kwallon kafa ta Sunshine Stars, Naira Miliyan Daya, sakamakon rashin samar da wadataccen tsaro a filin wasanta.

Haka zalika, hukumar ta gargadi kungiyar kan zata iya rufe filin wasan na Ondo Sports Complex idan suka kara maimaita makamancin wannan.

IMC ta kuma kara da cewa, kungiyar zata biya tarar nan da kwanaki 14, gaza yin hakan, zai janyo musu karin daukar wani matakin.

Sai dai hukumar ta ce kungiyar zata iya daukaka kara nan da awanni 48 idan bata gamsu da wannan hukun cin ba.