Ina fatan mutuwa ta zama silar sulhun Kwankwaso da Ganduje – Ɗan Sarauniya

Tsohon kwamishinan ayyuka a gwamnatin Kano Engr. Mu’azu Magaji Ɗan Sarauniya ya ce yana fatan rasuwar mahaifin Kwankwaso ta zamo silar samun daidaito tsakaninsa da Ganduje.

A cikin wani saƙo da ya wallafa ta shafinsa na Facebook, ya ce, tushen samun saɓani tsakanin Kwankwaso da Ganduje shi ne lokacin rasuwar mahaifiyar Ganduje.

A don haka ya ce, yana roƙon Allah ya sanya wannan rasuwar ta mahaifin Kwankwaso ta zamo silar haɗin kai tsakaninsu.

Tuni dai masu bibiyar Ɗan Sarauniya suka fara yin tsokaci a kai, kamar yadda zaku gani a ƙasa.