Italian Open: Djokovic ya yi nasara a wasan farko

Dan wasa Novak Djokovic ya yi nasara a wasan sa na farko a gasar kwallon Tennis ta Italian Open, bayan da aka koreshi daga gasar US Open.

Novak Djokovic mai shekaru 33, ya doke Salvatore Caruso a zagaye na farko da na biyu, da ci 6-3 da 6-2 a birnin Rome dake kasar Italia.

An dai dakatar da Djokovic mai rike da lamba daya a duniyar kwallon Tennis daga gasar US Open ne kan jifar alkaliyar wasa, lamarin da ya ce a bisa kuskure ne.

Djokovic ya kuma ce, ba zai taba mantawa da wannan kuskuren ba, ya na mai ikirarin zage damtse a gasar Italian Open.