JAMB zata shirya jarabawar gwaji ga masu neman aiki a Najeriya

Hukumar shirya jarabawar shiga makarantun gaba da sakandare wato JAMB za ta shirya jarabawar gwaji ga wadanda suka nemi aiki a hukumar kula da shige da fice ta kasa.

Hukumar ta JAMB za ta shirya jarrabawar ne tare da kuma hukumar kare rayuka da dukiyoyin al’umma wato Civil Defence a ranakun 7 da 8 ga watan disambar da muke ciki.

A wata sanarwa da ma’aikatar kula da al’amuran cikin gida ta fitar ta ce za’a gudanar da jarabawar ce a dukkan jihohin kasarnan 36 ciki harda Abuja babban birnin tarayya.