Jami’an mu ba su kai hari kan fararen hula ba – Sojoji

Rundunar sojin sama na ƙasar nan ta musanta wani rahoto da wasu kafafen ƴaɗa labarai suka yaɗa cewa, ta kai hari kan wasu jama’a da su ke tsaka da shagulgulan bikin aure a jihar Niger.

A cewar rundunar wannan labari ba gaskiya bane kuma an yi hakan ne don ɓata mata suna.

Hakan na ƙunshe ne cikin wata sanarwa mai ɗauke da sa hannun daraktan yaɗa labarai na rundunar, Air Commodore Edward Gabkwet.

Sanarwar ta ce, wannan rahoto ba zai sanya rundunar ta saurara ba, a ci gaba da ayyukan da ta ke yi, na kakkaɓe ayyukan ta’addanci a Najeriya.