Jami’an tsaro sun hallaka yan bangar siyasa uku a Kogi

Yayin da ya rage Kwanaki 4 a shiga Zaben gwamnan jihar Kogi, hadakar jami’an tsaro sun halaka ‘yan bangar siyasa uku da ke tada zaune tsaye a Anyigba dake yankin mazabar dan majalisar tarayya ta tsakiya.

Mai magana da yawun rundunar SP William Ovye Aya, ne ya bayyana hakan ta cikin sanarwar da ya fitar yau Talata.

Sanarwar ta ce, jami’an tsaron sun sami wadanda ta kama da bindigogi guda biyu kirar AK47.

Haka kuma sanarwar ta ce, hadakar jami’an tsaron da suka hadar da na DSS da na Civil Defence, sun kai sumamen ne wani gidan da yan siyasa suka girke yan dabar siyasar domin cimma muradansu na kashin kai.