Jami’ar Nmandi Azikiwe zata karrama Sunusi Lamido Sunusi

Awanni kadan bayan tsige Muhammadu Sunusi na II, a matsayin sarkin Kano da gwamnatin jihar Kano tayi a yau, mahukunta jami’ar Nmandi Azikiwe dake birnin Awka, a jihar Anambra ta ayyana sunan tsohon  sarkin a cikin wanda zata bawa  digirin girmamawa a bikin ya ye dalibai da zata gudanar.

Shugaban jami’ar Farfesa Charles Esimone, ne ya bayyana haka ga manema labarai a yau litinin, in da ya kara da cewa za’a gudanar da taron ya ye daliban daga ranar tara zuwa sha uku ga watan Maris din da muke ciki.

Labarai masu alaka.

Talakawa sun yi Al-kunuti kan yunkurin tsige Sarkin Kano

Tawagar jami’an tsaro na rakiyar fita daga fada ga Sarki Sunusi

Rahotanni sun tabbatar da cewa, a cikin wanda za’a karrama har da shugaban rukunin kamfanin motocin da ke kudancin kasar nan , mista Innocent Chukuma, da sauran wasu fitattun mutane.