Jam’iyyar NDC ta musanta labarin ficewar Kwankwaso daga cikin ta

Jam’iyyar NDC ta musanta rahotannin da ake yadawa cewa ɗan takararta na mataimakin shugaban ƙasa a zaɓen 2027, Sanata Rabiu Musa Kwankwaso, ya yi barazanar ficewa daga jam’iyyar saboda saɓanin da ya taso kan rabon takara a Jihar Kano.

Sakataren Yaɗa Labaran Jam’iyyar NDC, na kasa Osa Director, ya bayyana cewa rahotannin ba gaskiya ba ne.

Director ya bayyana hakan a wata hira da tashar Talabijin ta Arise News, inda ya jaddada cewa Kwankwaso bai taɓa tunanin barin jam’iyyar ba.

Jami’in ya kara dacewa cewa ana samun saɓani a cikin jam’iyya sai dai hakan ba sabon abu ba ne a siyasa, musamman ga jam’iyyar da ke ƙoƙarin kara ƙarfi kafin babban zaɓen 2027.

Ya ce NDC za ta ci gaba da amfani da tattaunawa da sasanci wajen magance matsalolin cikin gida.