Jirgin mu yayi mummunan hatsari a Kaduna – Sojin sama

Rundunar sojin saman ƙasar nan ta tabbatar da cewa jirginta yayi hatsari.

A cikin sanarwar da mai magana da yawun rundunar Air Commodore Edward Gabkwet ya fitar, ta shafin Twitter ya ce, hatsarin ya faru ne da yammacin yau Jumu’a a kusa da garin Kaduna.

Sanarwar ta ce, yanzu haka ana ci gaba da bincike domin gano musabbabin faruwar haɗarin.

Sai dai sanarwar ba ta yi ƙarin bayani kan waɗanda lamarin ya rutsa da su ba.

Amma tuni manyan jaridun ƙasar suka rawaito cewa, hatsarin ya rutsa da Babban Hafsan Sojin saman ƙasar da mataimakansa, wanda kuma yayi ajalinsu nan take.

A wani saƙon Twitter da ya wallafa mai taimakawa shugaban ƙasa na musamman kan tallafawa mabuƙata Barista Isma’il Ahmad ya yi ta’aziyya bisa rasuwar Babban Hafsan Sojin, wanda hakan ke gasgata labarin rasuwar ta su.