Jognny McKinstry ya raba gari da kungiyar kwallon kafa ta Uganda

Mai horas da kungiyar kwallon kafa ta kasar Uganda Johnny McKinstry ya amince da ajiye aikin horas da ‘yan wasan kungiyar.

McKinstry ya amince da kawo karshen kwantiragin bayan watanni 18 da kama aiki.

A wata sanarwa da hukumar kwallon kafa ta Uganda, FUFA, ta fitar ta mika godiya ga McKinstry kan irin gudunmawar da ya baiwa ‘yan wasan kasar.

Rahotanni na cewa, an bukaci McKinstry mai shekaru 35 da ya ajiye aikin horas da ‘yan wasan a farkon watan Maris din da ya gabata.