Kamfanonin tarho sun yi asarar abokan hulda miliyan 11 cikin watanni 4 – NCC

Hukumar sadarwa ta kasa NCC ta ce adadin masu amfani da layukan tarho a kasar nan sun ragu da akalla miliyan goma sha daya da dubu tamanin da hudu cikin watanni hudu da suka gabata.

Hakan na cikin wani rahoto ne da hukumar ta wallafa a shafinta na internet.

A cewar rahoton, a cikin watan jiya na fabrairu kamfanonin sadarwar sun yi asarar masu amfani da layuka miliyan hudu da dubu goma sha uku.

Ya zuwa yanzu dai, jimillar masu amfani da layukan tarho sune miliyan dari da casa’in da biyar da dubu saba’in da uku.