Kano Pillars ta lallasa Gaida United da ci 5-0

Kungiyar kwallon kafa ta Kano Pillars ta lallasa kungiyar Gaida United da ci 5-0 a wasan sada zamunci da suka fafata.

Karawar data gudana a filin wasa na Sani Abach da ke unguwar Kofar Mata a ranar Lahadi 03 ga watan Oktoban 2021 da muke ciki.

Dan wasan kungiyar ta Kano Pillars Nwachukwu ne ya zura kwallaye biyu a minti na 36 da kuma ’37’ da wasan.

Yayin da ‘yan wasa Alhaji Chilin da Kabiru Sunusi da kuma Musa Ahmad suka zura kwallaye dai-dai a minti na 63′ da 68′ da kuma 89’.

Kungiyar da akewa take da Sai Masu gida na cigaba da gudanar da wasannin sada zumunci domin tunkarar kakar wasannin shekarar 2021/2022.

Bayan da kungiyar ta kammala a mataki na biyar a kakar wasannin data gabata da maki 64 a wasanni 38 data buga.